Decoración Revenidas (Vilaxoán de Arousa)

As Revenidas é un festival 100% galego, económico, con actuacións de balde e acampada libre.

Celebrado na tempada de verán en Vilaxoán de Arousa (pobo mariñeiro das Rías Baixas) conta con actividades para toda a familia, destacando a súa coñecida sardiñada popular e a gala do circo solidaria co pobo saharaui.

A decoración deste ano poderíase resumir en catro puntos que, índa que a simple vista parecen ben sinxelos, non vos podedes imaxinar todo o traballo que levan detrás.

A espazo a intervir era un parque céntrico do pobo, no cal se celebran as actividades de balde e a famosa sardiñada e, polas dimensións coas que conta, calquer tipo de decorado tiña que ir en consonancia para non pasar inadvertido.

   parque de doña concha   parque de doña concha

parque de doña concha

Con 77 flores azuis e 53 brancas feitas con bolsas de plástico (por se as condicións atmosféricas xogaban unha mala pasada) decoráronse as árbores do parque, dando un toque máis festivo o día da sardiñada.

   pompones plástico      pompones plástico      

pompones plástico

As cores elixidas, tan características da bandeira galega, débense a imaxe do festival deste ano, deseñada, como en edicións pasadas, por Caramuxo, na que se tivo en conta o XX Aniversario do Movemento Bravú.

imaxe revenidas 2014

Con 96 metros de tea azul decorouse o fondo de escenario dos concertos e actividades de balde, aproveitando as estruturas de pedra como soporte para colgalas.

As teas das esquinas pegadas a tarima levaban cosidas as chamas do logo, continuando a súa caída nas esquinas opostas para darlle maior amplitude ao escenario sen chegar a sobrecargalo.

Desta maneira seguíase mantendo un espazo aberto nas zonas dos bancos, que invitaba a entrar nas horas na que o escenario carecía de actividade.

escenario sahara    escenario sahara

escenario sahara

Co globo aerostático rescatado do Peter´s Room creamos o photocall, onde a cesta era a parte baixa da sardiña e o globo o seu simpático gorro peruano.

photocall globo

E, por último, a nosa querida sardiña Revenida en forma de marioneta, colgada dunhas das árbores máis grandes do parque coa súa bandeira e gaita galega.

Penso que ninguén deixou pasar a oportunidade de sacar unha foto xunto a ela!

marioneta revenida

E, índa que agora toca despedirme, isto non remata aquí!

Nos próximos días mostrareivos o paso a paso da marioneta, fotografías do proceso e montaxe de toda a decoración e, se queredes ver máis imaxes do festival, déixovos o enlace do facebook de Creaciones Andoriña, onde atoparedes unha pequena pincelada de como transcurriu a fin de semana en Vilaxoán de Arousa.

Ábum das Revenidas

Grazas a organización das Revenidas por esta oportunidade, a Flexcoplas, de Ribadumia, polas bolsas vermellas cedidas para o globo e un millón de grazas para a familia e amigos que fixeron posible que toda esta decoración se preparase e colocase en tempo récord.

Sodes únicos!

Pin It

4 comentarios en “Decoración Revenidas (Vilaxoán de Arousa)

  1. Pingback: Marioneta Sardina Revenida | Creaciones Andoriña

  2. Pingback: “Making-of” Revenidas 2014 | Creaciones Andoriña

Deja una respuesta

Tu dirección de correo electrónico no será publicada. Los campos obligatorios están marcados con *


*